Сэтгэхгүй, бүтээхгүй хүний өмнөөс амьдардаг хүн л аюултай хийгээд өрөвдөлтэй. Энэ хавьд л атаархал арвалзан тийчлэж эзнээ мэрнэ.

Эрх баригчид сөрөг хүчингүй аархаж, төрд өмч овоорон байгаа цагт хээл хахуул, атаа жөтөө, шүүх шоронгийн тамлан үргэлжилсээр л байх болно. Данхар төрийн хар сүүдэр гай дуудаж, хүйт даан золиос төлөөс тасрахгүй ужгирах шинжтэй.

Эдийн засгийн ухааны Австрийн дэг сургуулиар хүү бол зүгээр нэг зээлийн үнэ биш. Хүү бол цаг хугацааны хоорондын үнэ (inter-temporal price), өнөөдрийн бараа ба маргаашийн барааны харьцаа.

Аристотелийн хэлснээр зөвхөн туршлага (цаг хугацаа) л тухайн нөхцөл байдалд юу чухал болохыг, яагаад гэдгийг ялгаж салгах чадварыг авчирна.

Зүүнтнүүдийн хийж чаддаг зүйл нь хувийн өмч хураах, хүний бизнесийг дээрэмдэх, онц байдал тогтоож далд эдийн засаг ноёлоох, картель, клиентүүдтэй үгсэн хуйвалдаж авлигадах арга замчиллаар тонуул хийх арга бөлгөө.

Засгийн газрын бүтцийн байгууллагууд сэтгүүл зүйн салбарын арай дөнгүүр мэргэшиж яваа хүмүүсийг сорчлон татах нь ёс мэт болов. Хэвлэл мэдээллийн салбар бие даасан бизнес болж чадаагүй, өрсөлдөхүйц цалин өгч чадахгүй байгаатай холбоотой байх.