Мартаж болохгүй давтах учиргүй түүх

Мартаж болохгүй, давтах учиргүй түүх

“Мартаж болохгүй, давтах учиргүй түүх” бол Монголын 20-р зууны түүх, ялангуяа улс төрийн хэлмэгдүүлэлт болон эмгэнэлт үйл явдлуудын үнэнийг олон түмэндээ бодитоор хүргэх зорилготой түүхийн цуврал нэвтрүүлэг юм. Энэхүү нэвтрүүлэгт түүхч О.Батсайхан, З.Лонжид, С. Баатар зэрэг судлаачид, мөн тэр хар бараан үйл явдлын золиос болсон дурсамжаа ярьсан хүмүүс оролцдог.

Цувралын 15-р анги: Оросууд Монгол даяар Их Хядлагаа эрчимжүүлэв.

Харгис хядлага орон даяар өргөжлөө. Оросуудын заавраар Дэмид жанжины эхнэр Навчаа, бас богдын хатан явсан Гэнэнпилийг жирэмсэн байхад нь буудаж алав. Зохиолч С. Буяннэмэхийг бүтэж үхсэн гэдэг ч боомилж алсан. Богд хаант улсын Тагнуулын Газрын дарга асан Н. Хаянхярвааг тамлаж, засаж, нүдийг бүлтэлж алжээ.

Цувралын 14-р анги: Оросууд Их Хядлагаа Монголд эхлүүллээ.

Оросуудын найруулгаар Улаанбаатар хот эсэргүү этгээдүүдийг шүүхээр шийтгэсэн дүр үзүүлж, театрт хэдэн өдөр үргэлжилсэн шүүх ажиллагаа явуулан, гудамжид түүнийгээ радиогоор хүмүүст сонгож, нийтдээ 12 хүнд буудан алах ял өгчээ. Хожим тэдний буудан алах үед дугуйтай хүүхэд гэмгүй гэрч болсон бас буудуулж алуулсан гэдэг.